| 其實係將facebook果度copy過黎......但係再加多兩項 規則：當你比人tag左，就要寫一篇note，內含16項有關你的事情，習慣，喜好，目標....或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深。
1. 中學果時最鍾意係physics, 會自己諗好多問題, 甚至作埋題目出黎; 升大學時曾經想揀讀physics, 但最後揀左hku精算
2. 覺得cu精算福利好, 幫埋你搵工; 而hku就唔使做pro, 同埋攞2nd up易d (first hon唔使旨意啦); 如果兩間u既好野可以combine就好啦~
3. 做左一年精算intern, 覺得幾啱自己做, 唔會好似其他商科d工咁要好creative, 要好active, 要把口好叻, 好aggressive等等, 我唔係呢d人, 我鍾意靜靜地對住部腦做好盤數, 穩穩定定, 安份守己咁
4. 認為錢呢樣野係搵唔哂既, 同時要搵又唔難, 所以會應洗得洗, 例如我會寧願用多幾蚊去搭程舒服d既車; 同fd去玩要用既錢從來都唔計較要用幾多
5. 雖然讀精算, 而且身邊好多人都玩股市, 但係我就一d都唔好, 覺得好煩, 同埋呢d野太難捉摸, 又要定時定候花時間落去, 所以不論玩股是否等於賭博, 我都唔會點理, 覺得安份守己靠打工搵到夠自己同屋企人食既錢就夠
6. 小學開始就好鍾意足球, 唔單止睇仲鍾意踢, 會成日同小同落街踢波, 又會同阿爸一齊睇波, 記得當年第一場睇既波就係n年前既英格蘭足總盃, 車路士對車士打菲特, 我贏左阿爸因為我估車路士贏, 自此就鐘意左車路士(當時車仔仲未有錢架, 所以我做車仔迷唔係因為佢有財有勢有勁人!!); 到依家都一直keep住睇波同踢波, 最鍾意睇英超同歐聯
7. 好多時行緊路or無聊緊or上緊堂想唔想聽書都好or甚至返工開會聽老細發up風既時候, 都會不自覺地諗起一d足球賽事既片段, 甚至幻想自己踢緊波, 點樣去過人, 點樣去踢好某個位置, or點樣係某一個位置攞到波之後應該點做最好等等...
8. 鍾意玩三國志系列既遊戲, 因為我第一隻玩既有意義既電腦game就係三國志, 果時仲係小學, 好似係三國志4, 成日去小同屋企玩, 跟住繼續玩第5代直到第10代都有玩; 有時都會玩d其他有關三國志既game例如群英傳, 曹操傳, 孔明傳同埋富甲天下等等...
9. 近呢一兩年鍾意玩RPG game, 仙劍系列同埋軒轅劍系列都係極品~! 最鍾意係入面既劇情! 癲起上黎會打到天光先訓~!!!
10. 雖然一開始睇我個樣可能會覺得幾惡, 但係其實我都好平易近人, 好多野都冇乜所謂, 所以都識到唔少fd~
11. 不過其實我個人既自尊心或者自我都好強, 所以我係一個唔容易接受人提醒or批評既人, 係一d重要d既事情上有人唔同意我或者跟我睇法唔同既話, 我可能會顯得好倔強or好defensive, sor...其實大家可以幫我改下...
12. 有時都幾懶, 鍾意hea同埋悠閒地生活; 唔明d人點解要cher自己讀書/考公開試/學呢樣學果樣填滿自己時間表為止; 又因為懶所以我d野有時會好亂, 可能會好耐先執一次, 但係當我真係執既時候會越執越起勁, 因為其實我都好鍾意d野整整齊齊, 阿媽仲成日讚我執野勁添~!
13. 鍾意諗野, 思想人生唔同既問題, 探討事物既本質; 但同時又偏向收埋自己既諗法, 可能係怕人地唔認同, 同埋我又唔係果d好鍾意講野既人; 就算我真係表達自己既時候都唔鍾意長篇大論, 會簡潔d咁講個pt出黎, 唔會重複, 驚人地聽都聽都煩唔想聽( 因為我自己聽到有人重複又重複咁講同一個pt既時候都會有同一個反應=.=)
14. 中二三果時迷上左金庸小說, 差唔多一年時間就睇哂金庸14部巨著
15. 近呢一兩年鍾意左煲劇or動畫, 但係唔會濫, 當遇到自己覺得正既先會煲, 例如死亡筆記, 蘇有朋版既倚天屠龍記(多謝同房介紹), 呂頌賢版既笑傲江湖, 神探伽利略(多謝黎太介紹), 隔世追兇, 俏皮扮野貓(細細個已經睇)等等, 依家追緊火影忍者, 完成之後下個目標可能係柯南; 特別鳴謝youtxbe同x豆
16. 雖然離開左starr hall半年, 但依然好掛住係starr hall既生活, 依家生活上好多細節都會令我諗起hall; 依家last一個sem要返多d去, 如果唔係以後做野就冇乜機會啦... 17. 鍾意睇地圖, 無論係香港中國定係世界地圖, 小學果時就背得哂中國所有省份大約既位置, 省份名同埋省會名; 依家成日都會用中原搵路, 同埋鍾意記低d香港d冇咁出名既地方係邊, 例如慈雲山, 何文田, 土瓜灣, 大小磨刀洲同埋果洲群島等 18. 鍾意去一d係香港但係又未去過既地方, 有時間甚至想自己去行下 |
